by Kavya Vishnu Sadan Gyan Mandir
"काव्य विष्णु चैतन्य"
मी चैतन्याचा वारसा, मी चैतन्याचा ठेवा
मी चैतन्याचा आरसा, मी चैतन्याचा हेवा
मी चैतन्याचा ऋणी, मी चैतन्याचा साक्षी
चैतन्य माझे उरी, चैतन्यप्रत्यक्षदर्शी !
चैतन्य ठायी ठायी, चैतन्याविण मी नाही
चैतन्य पायी पायी, अखंडमार्गमयी
चैतन्याने भारावलेलां, मी चैतन्याचा साक्षी
चैतन्य माझे उरी, चैतन्यप्रत्यक्षदर्शी !
चैतन्य दिव्युज्वल, प्रकाशातीत तेजांकुल
चैतन्य चेतनामूळ, विश्वसमुच्चयसंकुल
चैतन्याने प्रजीवित, मी चैतन्याचा साक्षी
चैतन्य माझे उरी, चैतन्यप्रत्यक्षदर्शी !
चैतन्य विष्णुमय, काव्यविष्णुसदनाश्रय
चैतन्य अखंडमय, बोधले गां दत्ताश्रय
चारू म्हणे चैतन्यबीज, मी चैतन्याचा साक्षी
चैतन्य माझे उरी, चैतन्यप्रत्यक्षदर्शी !
|| महाकवी चारूदत्त ||
No comments:
Post a Comment